HATAW! D'yaryo ng Bayan hatawtabloid.com
DOBLENG puwersa at pangmalakasang boses ang maririnig sa pagkakapit-bisig ng mga dating contestant ng TNT sa bagong segment ng It’s Showtime na ngayon ay magiging Tawag ng Tanghalan Duets.
Sa bagong bihis ng pambansang entablado ng bayan, kailangan magtulungan ang duets para mapabilib ang mga hurado.
Kahapon, Lunes, nanaig ang boses ng ‘Enharmonic’ na sina Ryan Sabacco at Randolph Bundoc matapos nilang makakuha ng 91% mula sa mga hurado. Babalik sila sa Sabado para sa weekly finals ng programa.
Bukod naman sa TNT Duets, nagpasiklab din ang bagong grupo ng kababaihan na makakasama ng madlang people tuwing tanghali, ang Baby Dolls.
Ang Baby Dolls ay pinangungunahan ng grand winner ng Girl on Fire na si Mary Delle Cascabel at makakasama niya ang mga kapwa contestant na sina Chole Florendo, Kim Dueñas, Ina Ortega, Eriel Reyes, Arianne dela Cruz, Jelai Ahamil, at Showtime Sexy Babe contestants na sina Juby Sabino at Johaira Moris.
