Saturday , July 26 2025
Robin Padilla Senate

Senator-elect Robin Padilla ‘namasyal’ sa Senado para sa isang briefing

ISINAILALAIM sa briefing si Senator-elect Robin Padilla sa legislative department ng senado upang malaman ang mga proseso sa paggawa ng batas at mga nangyayari sa senado.

Matapos ang isinagawang briefing kay Padilla, agad siyang inikot sa session hall at sa iba’t ibang mga tanggapan sa senado.

Bukod doon ay nag-enrol din sa Development Academy of the Philippines (DAP) si Padilla ng kursong economics, foreign policy, at iba pang mga usapin.

Aminado si Padilla, hanggang sa kasalukuyan ay hindi pa rin nagsi-sink in sa kanya ang pagkapanalo niya bilang number 1 senador sa nakalipas na halalan.

“Hindi ko inisip ko na mangyayari pero siyempre ibig sabihin noon malaki ang responsibilidad na hindi tayo puwedeng mag-cutting classes, hindi ka dapat ma-late at umabsent at handa ka sa debate,” ani Padilla.

Ilan sa isusulong si Padilla ang Federalism at ang pagbabalik ng death penalty at pagsasampa ng heinous crime sa mga kurakot at magnanakaw sa pamahalaan.

Dito ay hiniling ni Padilla na kanyang pamunuan ang Senate Committee on Constitutional Amendment Revision of Codes and Laws na karaniwang pinamumunuan ng isang abogado.

Katuwiran ni Padilla, mayroon mga abogado na tutulong sa kanya para sa naturang komite at maisulong niya ang kanyang panukalang batas na federalismo.

Tiniyak ni Padilla, handa siyang makipag-debate sa kanyang kapwa senador dahil sanay na siya sa kanyang asawa at mga anak.

Ngunit ang tanging hiling niya, sa wikang tagalog siya makikipagdebate lalo na’t ang makikinig at makahaharap niya ay kapwa Filipino at hindi isang Amerikano o dayuhan.

Inilinaw ni Padilla, sana’y din naman siya sa wikang English dahil sa kanyang mga anak at asawa na kalimitan niyang kausap sa wikang English.

Iginiit ni Padilla, panahon na talaga upang panagutin ang mga magnanakaw sa ating bansa lalo na’t sa kabila ng paghihirap ng ating mga kababayan ay patuloy pa din ang korupsiyon.  (NINO ACLAN)

Krystall Herbal Products and FGO Branches

About Niño Aclan

Check Also

Kylie Verzosa villa Italy

Kylie Verzosa bumili ng villa sa Italy

MATABILni John Fontanilla BONGGA ang aktres at dating Miss International, Kylie Verzosa dahil nakabili ito ng mamahaling villa …

Mika Salamanca Will Ashley soup kitchen

Will at Mika kasamang namahagi ng pagkain sa QC at Marikina

I-FLEXni Jun Nardo TUMULONG ang ilang Kapuso stars sa pamamahagi ng pagkain sa kasagsagan ng bagyong Crising. …

Maine Mendoza Miles Ocampo

Miles at Maine kapwa present sa Eat Bulaga! hiwalay nga lang ng segment 

I-FLEXni Jun Nardo TULOY ang dalawang noontime shows kahapon, Huwebes, na live kahit na nga …

Online Betting Gambling

Bans don’t work: Like liquor, gambling won’t disappear even if prohibited

As calls to ban online gambling grow louder, longtime liquor retailers are reminding policymakers of …

Alice Dixson

Alice bagets pa rin ang hitsura kahit 56 na  

MATABILni John Fontanilla SA edad 56, maraming netizens ang namamangha sa mala-bagets na hitsura ng …