HATAW! D'yaryo ng Bayan hatawtabloid.com
I-FLEX
ni Jun Nardo
LUMABAS ang pagiging naughty ni senatoriable Antonio Trillanes nang ma-interview siya sa You Tube channel ni Ogie Diaz at co-host na si Mama Loi.
Nakiliti sina si Ogie at Mama Loi sa tinurang “mahabang ano” ni Trillanes sa tanong nila kung paano napapanatili ang pagiging bata at hitsura ng senador. Pero nilinaw ng senador na ang mahabang pananatili niya sa kulungan kaya bata ang hitsura niya.
“Mahaba ang taon na nakakulong ako kaya hindi exposed sa elements,” pahayag ng senador at inaming may tagahanga rin siyang bading noon.
Pero kahit gustong maging civil engineer noon, naimpluwensiyahan siya ng military background ng ama kaya pumasok sa Philippine Military Ecademy.
“Noong teenager ako, nagkaroon din ako ng crush na artista, sina Dawn Zulueta at Gretchen Barretto. Personal kong nakita si Gretchen,” saad niya.
Naging aktibong senador si Trillanes mula 200 hanggang 2019 at nakapagpasa siya ng 98 national bills.
Sakaling mahalal, marami pa siyang planong batas na nais isulong gaya ng kontra korapsiyon, peace and order at iba pa.
Samantala, magdaraos ang CBCP ng Election Forum kasama ang presidentiables ngayong araw, 6:00 p.m. at mapapanood nang live sa Catholic radio stations nationwide at sa partner na TV, cable at social media platforms. Hosts sina Rico Hizon at Bernadette Sembrano at gaganpin sa Hyundai Hall of Areta sa Ateneo de Manila.
