HATAW! D'yaryo ng Bayan hatawtabloid.com
HATAWAN
ni Ed de Leon
WALANG suot na kamiseta si Jake Zyrus, ang dating nakilalang si Charice Pempengco bago siya naging isang transman. Wala naman siyang six pack abs, sa tingin nga namin ay medyo malaki pa ang tiyan niya. Pero wala na talaga siyang boobs. Ewan kung nagpa-opera siya at inalis nga ang boobs niya o baka may ginamit siyang gamot para roon.
Sinabi naman ni Jake, hindi siya humihingi ng opinion ng iba tungkol sa kanyang katawan. Gusto lang niyang ipakita sa ibang mga transman na kagaya niya na wala silang dapat ikahiya.
Marami na rin namang dinaanan sa buhay iyang si Jake.
Na-in love siya noon sa kanyang unang girlfriend na gusto niyang pakasalan at sinasabi niyang gusto niyang magkaroon sila ng anak. Pero matapos lang ang ilang panahon ay nagkahiwalay din sila. Ngayon iba na ang girlfriend na kasama niya.
Bagama’t nagbago na rin nga pati ang kanyang boses, maliwanag na mas sumikat siya bilang singer noong siya pa si Charice Pempengco. Ngayon nakakakanta nga siya pero nagmukhang ordinaryo na lang ang boses niya at maraming mga tunay na lalaking mas ok ang boses.
Kaya nga kaunti ang performances niya sa ngayon, at may panahon pa ngang inamin niyang kinakapos na rin siya ng pera.
Ang masakit diyan, hindi rin naman sinusuportahan ng mga kapwa niya transman ang kanyang career dahil siyempre ang gustong mapanood niyon ay mga magagandang babae. Kagaya rin iyan ng mga transwoman, na nabubuhay lang kung comedian, dahil ang mga kapwa nila bakla, siyempre ang gustong mapanood at suportahan ay iyong mga poging lalaki. Basta nga nalaman nilang bading itsinitsismis pa nila eh. Kaya nga rito sa atin hindi masyadong makausad iyang LGBT.
Sa kaso naman ni Jake, maliwanag naman sa atin na kung ayaw man siyang suportahan ng publiko sa kanyang pagiging transman ay wala siyang pakialam. Basta ginagawa niya kung ano ang gusto niya at hindi niya hinahayaang maapektuhan siya kung ano man ang opinion ng iba. Kahit na hindi niya makuha ang support kahit na ng mga kapwa niya transman ok pa rin sa kanya, basta macho na ang kanyang dating. Iyon nga lang, kahit na ang macho pa niya, hindi pa rin naman siya makabubuntis.
