HATAWAN
ni Ed de Leon
FAKE news ang kumakalat na umano ay sex video ng isang sikat na matinee idol, bagama’t nakakabola dahil ang lalaki sa sex video, lalo na at taliwas kasi ang anggulo ng camera at medyo madilim pa, ay masasabi nga sa biglang tingin na mukhang iyon ang matinee idol.
Kung uulit-ulitin, makikita mo na ang pagkakaiba. Iyon pala ay lumang video na, at ang lalaki ay isang GRO sa isang gay bar noong araw, na kung hindi naman ganoon ang anggulo, Tisoy nga at may hitsura naman pero malayo ang mukha sa matinee idol.
Ibinuko iyan sa amin ng aming “bading investigator” na siyang nagpakita sa amin ng video at pictures ng tunay na identity ng lalaki sa video. Hindi iyon ang matinee idol kagaya ng sinasabi ng nagbebenta niyon sa social media.
Aba marami raw ang nabobola na nagbabayad ng hanggang P1K sa nagbebenta niyong fake video. At kailangan ipadala muna ang pera sa cash card bago nila ipadala ang fake video, pagdating sa iyo fake pala.