Daniel, Garrett, Gloc 9, John, Sam, TJ, at Janno pukpukan bilang Male Recording Artist of The Year

MA at PA
ni Rommel Placente

SA October 10, Linggo, 6:00 p.m. ay mapapanood na ang 12th PMPC Star Awards For Music sa STV at RAD online streaming. Sina Congressman Alfred Vargas at Sanya Lopez ang magsisilbing mga host.

Ang Pop Diva na si Kuh Ledesma ay kabilang sa mga performer kasama sina Marion Aunor, Cool Cat Ash, at si Mr. Pure Energy Gary Valenciano. Si Pete Marino naman ang direktor ng kabuuang pagtatanghal. 

Tiyak na inaabangan ng mga fan ni Daniel Padilla ang awards night dahil nominado ang actor sa kategoryang Male Recording Artist of The Year para sa duet nila ni Moira sa Mabagal. At ang awitin naman ay nomindo bilang Song of The Year.

Ang mga kalaban ni Daniel sa kategoryang ito ay sina Garrett Bolden—Handa Na Maghintay, Gloc 9—Dungaw, Janno Gibbs—Walang Kupas, John Rendez—Think About It, Sam Mangubat—Ikaw At Ikaw Pa Rin, at TJ Monterde—Karera.

Suwetehin kaya si Daniel na maiuwi ang Male Recording Artist of The Year trophy, o iba ang papapalaring manalo? ‘Yan ang ating aabangan.