Stand For Truth, namamayagpag

ISA ang mobile journalism newscast na Stand For Truth sa mga itinuturing nating pangunahing source ng balita at impormasyon online. Kaya naman hindi na kataka-taka ang patuloy na pamamayagpag nito sa Facebook at YouTube.

Nitong July, pumalo sa 22.3 million views ang SFT sa official Facebook nito kahit ngayong taon lang nailunsad. Pasok sa list ng top videos nito ang two-part special report ni Atom Araullo na ‘Di Matapos Na Krisis: A Stand for Truth COVID-19 Mid-Year Report.

Patuloy din sa pag-arangkada ang SFT sa YouTube. May 2.3 million combined views ito para sa July mula sa GMA Public Affairs at GMA News channels.

Bukod kay Atom, napapanood din sa SFT ang GMA resident political analyst na si Richard Heydarian at ang mga mobile journalist na sina Nico Waje, Mj Geronimo, Jairo Bolledo, Manal Sugadol, Shai Lagarde, Izzy Lee, at Jm Encinas.

Napapanood tuwing 9:00 p.m., Lunes hanggang Biyernes ang Stand for Truth sa kanilang official Facebook page at sa YouTube channels ng GMA News at GMA Public Affairs.

COOL JOE!
ni Joe Barrameda