Kris Bernal, mas importante ang staff kaysa pera

SA kabila ng pagbubukas ng ilang mga negosyo ngayong ipinatutupad  ang general community quarantine sa Metro Manila, nagdesisyon pa rin si Kris Bernal na hindi muna buksan ang kanyang restoran.

Sa panayam ni Arra San Agustin para sa episode ng Taste MNL, ibinahagi ni Kris na hindi pa open for dine-in ang kanyang Korean restaurant na House of Gogi.

Aniya, “Hindi ko pa binuksan kasi hindi ko pa kaya talaga. Parang ang laki ng risk. Gusto kong protektahan ang staff ko, hindi lang naman ‘yung kumita ka ng pera, kumita ka from your business. Mas importante pa rin ‘yung health and safety ng lahat. Gusto ko ‘yung mas makatutulong ako to flatten the curve kapag hindi ako nag-dine-in.”

COOL JOE!
ni Joe Barrameda