Cebu Pacific Advisory: Davao flight passengers kailangan magharap ng RT-PCR swab test

IPINAAALALA ng Cebu Pacific na alinsunod sa mga regulasyong itinalaga ng lokal na pamahalaan ng Davao, simula kahapon, 20 Hulyo, kinakailangang makapagbigay ang mga pasaherong patungong lungsod ng Davao ng COVID-19 RT-PCR (Swab) Test na may negatibong resulta at ginawa sa loob ng 48-oras bago ang departure.

Kaugnay nito, ang Coronavirus Antibody Blood (Rapid) Test ay hindi tatanggapin, at hindi papayagang makaakyat ng eroplano ang mga pasaherong walang maipapakitang resulta ng swab test.

Mahigpit na pinaaalalahanan ang mga pasahero na makipag-ugnayan sa mga lokal na pamahalaan bago ang kanilang flight para sa mga kaukulang regulasyon.

Maaari rin silang hingan ng kanilang mga kompletong address bago ang travel date, at kung hindi makapagbibigay ng kompletong impormasyon, hindi sila papayagang makatuloy sa kanilang flight.