HATAW! D'yaryo ng Bayan hatawtabloid.com
“KUNG mayroon kang hang-ups sa buhay mo, huwag mong ipasa sa ibang tao.
“Kung may sakit ka man o hindi ka tinuruan sa pag-iisip mo, think before you click.
“Kasi alam mo ngayon, hindi lang dapat pinu-post mo, iniisip mo, kasi puwede mo ikapahamak ‘yan.
“Puwede mo ikapahamak ‘yan.”
Ito ang galit na pahayag ng aktres na si Aiko Melendez laban sa isang netizen na may Twitter handle na @jakolinks na nagyayabang na kapag umabot sa 25,000 ang mga follower niya sa Twitter ay ipo-post ang sex video scandal umano ni Andre Yllana.
Si Andre ay anak nina Aiko at Jomari Yllana.
Agad na nag-live sa Facebook si Aiko nang nakarating sa kanya ang paninirang-puri ng naturang netizen.
Pagpapatuloy pang pahayag ni Aiko sa kanyang FB live: “Kaya hinahamon kita… ano nga pala pangalan mo ulit? Pinapasikat kita, e.
“Jakolinks, dapat hindi na kita in-address, pero nakakasira ito sa pangalan ng anak ko dahil ito pinalaki ko ‘to nang matino.
“Jakolinks, kung matapang ka, lumabas ka.
“Kung may sex scandal ka ng anak ko, ilabas mo!
“Pero, kapag wala kang sex scandal, idedemanda kita, naiintindihan mo?”
On a lighter mood, buong ningning na sinabi ni Aiko na wala pang karanasan sa seks ang kanyang 21 year old na guwapong anak.
“So, ayun, nililinaw lang po namin na wala pong sex scandal si Andre.
“So, parang pag-aamin na niya na… virgin ka pa, di ba?” tanong ni Aiko kay Andre na kasama niyang nag-FB live.
Mabilis na sinagot ni Andre ang tanong ng ina ng, “Oo naman!”
“So, wala talaga siyang sex scandal,” muling pagkukompirma ni Aiko.
Walang inililihim si Andre sa ina.
“Kasi Mom knows everything. I tell her everything,” giit ni Andre.
Bilang paglilinis sa kanyang pangalan, sinabi ni Andre na ang mga litratong ginamit sa umano’y video scandal ay mga lumang litrato na kinuha sa kanyang lumang Instagram account na noon pang 2017 ay hindi na aktibo.
“If you will look at it closely, 2017 pa po yung huling post nun.
“Tapos ang huling post ko po nun ay 2017.
“So, 2017 ang huli kong gamit ko dun sa account.
“At sa followers ko po dun, siguro as witness na rin po, makikita niyo namang hindi ako nag-i-Story dun dahil wala na talaga akong any access to that account.”
‘Napakababoy’ daw ng taong nag-iimbento ng kuwento tungkol sa kanya, ayon pa kay Andre.
“I don’t know what I’ve done to you.
“I don’t know who you are. I don’t’ know why you are hiding in another name.
“I don’t know what I’ve done to you.
“I mean, if I have done anything that I’m not aware of, I’m really sorry ‘coz I have no idea. I don’t have any idea.
“’Coz me, growing up, hindi naman po sa pagbubuhat ng bangko or anything, si Mommy po kasi, pinalaki akong mabuti.
“’Tsaka, nag-aaral po kasi ako sa Catholic school simula prep, hanggang mag-graduate ako ng high school.
“Kaya hindi ko po maintindihan kung bakit ako naisipan ng ganyan.
“I don’t even know how to explain myself because…
“At the same time, it’s very humorous because it’s very funny, ‘coz I don’t even see myself doing that,” ang nagtitimpi ngunit halatang galit ding pahayag pa ni Andre.
Rated R
ni Rommel Gonzales
