Angel, 135 ospital ang natulungan, 246 tents ang naipatayo

NAGPA-SWAB test pala ang magkasintahang sina Angel Locsin at Neil Arce. At negative ang lumabas na resulta. Ibig sabihin, ligtas sila sa Covid-19.

 

Ang resulta ay ipinost ni Angel sa kanyang Instagram stories at Facebook page noong Sabado, April 25. Pero hindi niya sinabi kung kailan sila nagpa-swab test ni Neil.

 

Kaya siguro naisipan nina Angel at Neil na magpa-swab test ay dahil naisip nila na pwede silang kapitan ng corona virus dahil sa proyekto nilang #UniTentWeStandPH campaign. Lumilibot kasi sila sa mga ospital sa Metro Manila at Luzon, upang personal na i-supervise ang pagsi-set-up ng tents na pansamantalang matutuluyan ng medical staff, doctors, nurses, at iba pang frontliners laban sa Covid-19 pandemic.

 

Ang ipinambibili nila rito ay kuha sa mga nalilikom nilang pundo na umabot ng mahigit P11-M.

 

Sa malaking halaga na nalikom, napagsilbihan ng engaged couple ang 135 na ospital sa NCR at Luzon, at nakapagpatayo ng 246 tents sa mga health facilities.

MA at PA
ni Rommel Placente