Lorna, ayaw nang ma-in love

WALA nang balak ma-in love pang muli at magkaroon ng panibagong lalaki sa buhay  ang Grandslam Queen na si Lorna Tolentino.

Kuwento nito sa mediacon ng pagre-renew ng kontrata for another year sa Beautederm bilang ambassador, marami ang nagpaparamdam sa kanya, pero sinasabi niya sa mga ito na wala na talaga siyang balak na ma-in-love pang muli.

Kuntento  na siya sa pagmamahal na nakukuha sa kanyang mga kaibigan at mga anak at ibinibuhos niya ang pagmamahal sa kanyang apo.

Pero aminado ito na nami-miss niya ang kanyang yumaong esposo na si Rudy Fernandez lalo na ngayon at nagpaplano na sila ng kanyang mga anak na magkaroon ng division ang kanilang bahay para magkaroon sila ng kanya-kanyang bahay pero nasa iisang compound lang sila at magkakasama pa rin.

At ayon sa CEO-President ng Beautederm na si Ms Rhea Anicoche-Tan, very effective ambassador si LT dahil noong kinuha niya itong ambassador ng Beautederm ay sold-out kaagad ang kanyang eneendosong produkto at gustong-gusto ng kanyang mga reseller.

MATABIL
ni John Fontanilla