Digong ‘di interesado sa ‘franchise hearing’ Sa Senado

WALANG interes si Pangulong Rodrigo Duterte na panoorin at subaybayan ang gaga­wing pagdinig ng Senado ngayon kaugnay sa prankisa ng ABS-CBN.

Sinabi ni Presidential Spokesman Rodrigo Panelo na abala si Pangulong Duterte sa tambak na trabaho kaya walang oras na manood ng telebisyon.

Hindi aniya pinaki­kialaman ng Pangulo ang pagganap sa kanyang tungkulin ng solicitor general.

Naghain ng quo warranto si Solicitor General Jose Calida sa Korte Suprema para ipawalang bisa ang prankisa ng ABS CBN.

Ayon kay Panelo, hindi rin panghihima­sukan ng Pangulo ang bawat galaw ng Kamara, Senado at iba pang mga representante.

Matatandaang maka­ilang beses nang nag­hayag ng galit si Pangu­long Duterte sa ABS CBN nang hindi isahimpa­pawid ang kanyang campaign material noong 2016 presidential election kahit bayad na ang airtime.

(ROSE NOVENARIO)