HATAW! D'yaryo ng Bayan hatawtabloid.com
ISA sa pangarap na gawin ni Sylvia Sanchez ang makapag-produce ng pelikula ngayong taon.
At kung magpo-produce siya ng pelikula ay gusto niyang kunin ang serbisyo nina Sharon Cuneta na isa sa paborito niyang aktres, ang Diamond Star na si Maricel Soriano, Star For All Season Vilma Santos, at Superstar Nora Aunor na ayon kay Sylvia, mata pa lang ay umaarte na.
Iniisip naman niya kung sino ang ipa-partner niya sa mga reyna ng showbiz.
Bukod dito, pangrap din niyang iprodyus ang pelikulang pagsasamahan nila ng kanyang mga anak na sina Arjo at Ria Atayde.
Sa ngayon ay busy si Sylvia sa shooting ng pelikulang Coming Home katambal si Jinggoy Estrada with Edgar Allan Guzman, Shaira Diaz, Julian Estrada, Janna Agoncillo, Vin Abrenica, Martin Del Rosario, Ariella Arida atbp.. Ididirehe ito ni Adolf Alix Jr.
MATABIL
ni John Fontanilla
