Presencia militar iniutos ni Duterte

MAGIGING pang-araw-araw na kaganapan sa bansa ang military at police silent drill.

Ito’y bunsod ng direk­tiba kahapon ni Pangu­long Rodrigo Duterte sa Armed Forces of the Philippines (AFP) at Philippine National Police (PNP) na maglunsad ng silent drill araw-araw gaya ng ginagawa ng People’s Liberation Army ng China.

Ayon sa Pangulo, layunin niyang maram­daman ng mga mama­mayan na ligtas sila kaya isinusulong niya ang daily silent drill ng pulisya’t militar.

“I want the people to see soldiers and police­men doing the drill every day,” aniya sa PSG change of command ceremony sa Malacañang Park kahapon.

“It might really be a copycat but you’ve been to China and you’ve seen the drill that the military shows off to the people every day. It gives our people a sense of security and proud to see the uniformity in the cadence when military drills do it,” dagdag niya.

Nag-alok ang Pangu­lo ng hanggang P3 mil­yong premyo para sa magwawagi sa silent drill competition sa Disyem­bre.

Matatandaan, sa isinagwang 1st silent drill noong nakalipas na Disyebre 2019 na inilun­sad ng Presidential Security Group ay nagwagi ang Philippine Military Academy at ang premyo nila’y P300,000.

Layunin ng naturang silent drill competition na suportahan ang pagsu­sumikap ni Pangulong Duterte na ibalik ang mandatory Reserve Officers’ Training Corps (ROTC) program.

ni ROSE NOVENARIO