UP Manila Summa Cum Laude nagpasalamat sa Munti LGU para sa scholarship

BUMISITA para sa kortesiya si University of the Philippines – Manila, Class 2019 Valedic­torian and Summa Cum Laude Graduate Mia Gato, residente sa Muntinlupa, kay Mayor Jaime Fresnedi nitong 2 Hulyo.

Nagpasalamat si Gato sa local government sa scholarship assistance na ipinagkaloob sa kanya sa panahon ng kanyang pag-aaral sa UP Manila.

Noong 2015, kinilala si Gato bilang isa sa Most Outstanding Students of Muntinlupa.

Kasama niya ang kanyang mga magulang na sina Batanes congressman, Dr. Ciriaco Gato, Jr., at Dra. Jade Gato. Nasa larawan din sina City Administrator Engr. Allan Cachuela, LEIPO Gary Llamas, at Muntinlupa Scholarship Program Acting Head Alvin Veron.

Ang Muntinlupa City ay nag-aalok ng komprehensibong scholarship program para sa kanilang mga residente mula elementarya hanggang kolehiyo, kabilang ang mga naka-enroll sa technical-vocational, sa graduate school, sa law, at sa medical schools.

Sa kasalukuyan, ang MSP ay mayroong  mahigit sa 65,000 scholars.