Baby Sixto, sagot sa dasal nina Marian at Dong

MARAMI ang natuwa nang ibahagi ni Marian Rivera ang clear photo ng kanyang anak na si Baby Sixto pero naging sanhi naman iyon ng pagtatalo kung sino ang kamukha. Siya ba o si Dingdong Dantes? Ang ending, mas hawig ito ng kanyang ate Zia pero wala namang problema dahil lahat sila’y may magagandang mukha.

Hanggang ngayon ay overwhelm pa rin ang mag-asawa dahil answered prayers ito para sa kanila. Matatandaang nang ipanganak si Zia, tatlong taon na ang nakararaan ay ipinagdasal nila na magkaroon ng baby boy.

Sa isang interbyu, inamin ni Marian na hindi nito kakayanin ang manganak muli pero sa suporta at dasal ng mga nagmamahal sa kanyang pamilya, nairaos ang kanyang ikalawang panganganak ng maayos.  “Ngayong nabuhay na ulit si Hesus, muling ipinapaalala ng araw na ito na lahat tayo ay biyaya ng Diyos sa isa’t isa,” sambit nito.

Sa kabilang banda, inamin ng mother actress na ito ang kanyang happiest Easter Sunday dahil nakapalibot sa kanya ang tatlong mga mahal niya sa buhay

“Si Dong, si Letizia, at si Sixto, sila ang aking buhay,” masayang sambit ni Marian.

STARNEWS UPLOAD
ni Alex Datu