Digong inip na sa Federalismo (Kongreso makupad)

NAIINIP na si Pangulong Rodrigo Duterte sa maba­gal na usad ng Charter change sa Kongreso kaya nais niyang unahin ang amyenda sa ilang eco­nomic provisions.

Paliwanag ni Presi­dential Spokesman Salvador Panelo, naiinip ang Presidente sa galaw ng Kongreso tungkol sa federalismo at walang nakikitang seryosong hakbang sa hanay ng mga mambabatas para ito’y maisakatuparan.

Inihayag ni Panelo bagama’t nais ng Pangulo na paspasan ang natu­rang usapin, hindi naman aniya uubra na gawin itong mag-isa ng Presi­dente dahil kaila­ngang kumilos dito ang Kongreso.

Kung  hindi rin lang makaaasa nang mabilis na aksiyon sa federalismo mula sa mga mamba­batas, baka maaaring unahin ang amyenda sa ilang economic provisions sa pangkalahatang pag­ba­bago ng Saligang Batas.

Kabilang sa nais amyendahan ang pagka­kaloob ng kaluwagan sa pagpasok ng foreign investments sa bansa.  (ROSE NOVENARIO)