HATAW! D'yaryo ng Bayan hatawtabloid.com
NANINIWALA ang Palasyo na malaking ayuda sa mga kasong kinakaharap ni Janet Lim-Napoles sa Sandiganbayan ang paghaharap sa kanya ng sakdal ng US federal grand jury.
Sinabi ni Presidential Spokesman Harry Roque, ang kasong money laundering laban kay Napoles at kanyang mga kaanak ay nagpapakita na may dahilan para maniwala na may pagtatangka silang itago ang kanilang mga nakaw na yaman mula sa pork barrel scam.
“We view the United States federal grand jury indictment against Mrs. Janet Lim-Napoles as a positive development, as it bolsters the government’s case against her before the Sandiganbayan,” ani Roque.
“The charge of money laundering against Mrs. Napoles and her co-defendants shows that there is reason to believe that they attempted to retain the ill-gotten gains from the Priority Development Assistance Fund (PDAF) scam,” dagdag niya.
Sa tulong aniya ng gobyerno ng Amerika na puspusan ang koordina-syon sa pamahalaan ng Filipinas, ang mga pondong tinangkang itakas ni Napoles at kanyang mga kasama sa kaso ay maibabalik at pakikinabangan ng sambayanang Filipino.
“With the help of U.S. authorities, who have been in continuous coordination with our government, the funds that Mrs. Napoles and her co-defendants attempted to hide away will soon be returned for the benefit of the Filipino people,” sabi ni Roque.
Habang nabubuko aniya ang mga iskemang ginawa ni Napoles ay lalong mas may rason upang kasuhan ang lahat ng ilegal na nakinabang sa kanyang mga transak-siyon, kahit gaano pa man kataas ang kanilang posisyon at koneksiyon.
“As more of Mrs. Napoles’ schemes come to light, it becomes imperative to charge all those who illegally profited from her transactions, regardless of their position or political affiliation,” giit ni Roque.
Isinakdal kamakalawa sa US si Napoles at kanyang mga anak at kapatid sa kasong money laundering dahil sa pagbi-li ng mga ari-arian sa Amerika, na $20-M ang halaga mula sa pork barrel scam.
ni ROSE NOVENARIO
