Coco, pinasok na rin ang pagiging recording artist

HINDI pa kompirmado kung talagang papasukin ni Coco Martin ang pagiging recording artist dahil kulang na kulang na ang kanyang oras sa pagiging aktor-direktor ng FPJ Ang Probinsyano. Dagdag pa ang kanyang pagiging hands-on sa script ng nasabing long running action-tereserye ng ABS-CBN.

Ayon sa balita, nataon na kailangang kantahin ng aktor ang kantang para sa isang proyekto. Iyon ay sumasailamin sa katangian nating Pinoy na nagsasama-sama at nagkakapit-kamay para maabot ang tagumpay.

Maganda ang boses ng aktor, katunayan, kumakanta ito kapag nagpo-promote ng mga project sa mga iba’t ibang mall sa bansa. Kung maisipan nitong maging recording artist, tiyak ikatutuwa ito ng kanyang mga tagasubaybay.

Abangang na lang natin ang susunod na mga palabas ng FPJ Ang Probinsyano dahil magpapasampol si Cardo ng pagkanta dahil mayroon itong eksena na haharanahin ang kanyang asawang si Alyana (Yassi Pressman).

STARNEWS UPLOAD
ni Alex Datu