No-El ni Alvarez wala sa hulog — solon

ANG panawagan ni House Speaker Pantaleon Alvarez  na ipagpaliban ang eleksiyon sa May 2019 ay wala sa hulog.

Ayon kay Rep. Teddy Baguilat ng Ifugao, nagpapakita itong man­hid ang admi­nistrasyong Duterte sa mga pa­nga­ngailangan ng taong­bayan.

Ang kailangan, aniya, ng mga tao ay pigilan ang inflation, taasan ang mga sahod, trabaho, lutasin ang kahirapan, labanan ang korupsiyon, at igiit ang soberanya ng Filipi­nas sa teritoryo nito.

Ang mga Filipino ayon sa mga nakalipas na survey ay ayaw sa charter change at walang alam sa federalismo.

Ang pangunahing dahilan, ani Baguilat, kung bakit pinalitan si Sen. Koko Pimentel bilang Senate President ay pagtulak sa “no election.”

“Si Sen. Koko ay pro cha-cha, con-ass at federalismo, pero hindi siya sang-ayon sa ‘no-election scenario’,” ani Baguilat.

Magkaiba aniya ang timetable ni Alvarez at ni Pimentel kaya siya pina­litan.

Ani Baguilat ang pamumuno ni Pimentel sa Senado ay makadi­diskaril ng NO-EL scenario.

ni Gerry Baldo