HATAW! D'yaryo ng Bayan hatawtabloid.com
“’Di pa nagsi-sink in sa akin. Nagpapasalamat po sa pagtanggap nila sa movie. Ty medyo speechless pa,” sey ni Direk Sonny Calvento pagkatapos ang Gala Premiere ng pelikula niyang Nabubulok sa Main Theater ng CCP para sa Cinemalaya Festival.
Dumalo ang buong cast ng pelikula, executives at mga boss niya sa Kapamilya Network at iba pa.
Ayon sa isang TV executive, puwedeng makatawid sa commercial o sa mainstream market ang pelikula.
“Well, ang laking bagay na manggaling sa kanya kasi alam naman natin na medyo innovator siya,” pahayag ni Direk Sonny.
Kahit si Sylvia Sanchez ay nagpahayag na, ”Magaling na baguhang direktor, malinis n’yang nailahad ang buong kuwento, hihintayin ko ang mga susunod pa n’yang pagdidirehe at hihintayin ko ang pagsikat n’ya. Gusto ko ang kabuuan ng pelikula, ganda!!”
Ang pelikula ay hango sa tunay na buhay. Kuwento ito ng isang Pinay wife na pinatay at nabubulok na bangkay.
Palabas pa rin ang Nabubulok bilang official entry ng Cinemalaya hanggang August 13.
TALBOG – Roldan Castro
