Marlo, nagpapakatatag para sa inang may cancer

MARAMI ang nakikisimpatya kay Marlo Mortel dahil may pinagdaraanan. Nasa stage 4 breast cancer ang kanyang ina pero patuloy silang lumalaban para gumaling ang ina.

Nag-post si Marlo ng photo nilang mag-ina sa kanyang Instagram account. May caption ito ng, “You are so strong Mommy. Thank you for always fighting! We will fight with you all the way wag ka mapapagod. We love you so much!”

Marami ang nagdarasal na gumaling ang mommy niya at nagpapayo na magpakatatag ang kanilang pamilya.

May mga nagsasabi rin na sana ‘yung mga gaya ni Marlo na talented ang bigyan ng mas maraming proyekto ng Kapamilya Network. Bukod sa UKG (Umagang Kay Ganda), magkaroon din sana ito ng serye para may dagdag pangsuporta sa inang may sakit.

Anyway, live na mapapanood si Marlo sa aming birthday show sa Zirkoh, Tomas Morato sa August 30 entitled, Musicali3 (M2M2M) na kasama sina Michael Pangilinan at Marion Aunor. Tatlong M ang magbibigay saya.

Boom!

(ROLDAN CASTRO)