Misis at lover huli sa akto ni mister

SAN ANTONIO, Quezon – Kalaboso ang isang misis at kanyang lover makaraan mahuli sa akto ni mister habang nagtatalik sa isang motel sa bayang ito kamakalawa.

Sa ipinadalang report ng San Antonio PNP sa Camp Guillermo Nakar sa tanggapan ni Senior Supt. Antonio Candido Yarra, OIC Acting Provincial Director, dakong 10:30 pm nagsadya sa himpilan ng Pulisya ang biktimang nagngangalang si “Dexter”, 39, upang ireklamo ang kanyang misis na nakita niyang may kasamang lalaki nang pumasok sa motel.

Agad sinamahan ng mga pulis si Dexter sa nasabing motel.

Habang nasa kainitan ng pagtatalik ang misis ng biktima na si Lennie, 38, at lover niyang si Onie, 38, nang bumukas ang pinto at bumungad sa kanila si Dexter at kasamang mga pulis.

Nakapiit na sa lock-up jail ng San Antonio PNP ang dalawang suspek na nahaharap sa kasong adultery.

( RAFFY SARNATE )