HATAW! D'yaryo ng Bayan hatawtabloid.com
KRITIKAL ang kalagayan sa pagamutan ng isang criminology student nang pagtulungan pagsasaksakin ng tatlong kalugar makaraan ang mainitang pagtatalo sa Malabon City kahapon ng madaling araw.
Ginagamot sa Tondo Medical Center (TMC) ang biktimang si Vicente Barnido, 21, ng Block 48-G, Lot 25, Brgy. Longos ng nasabing lugar.
Nakapiit sa detention cell ng Malabon City Police ang mga suspek na sina Argie Suarez, 20, at Samuel Berones, 20, habang pinaghahanap ng mga pulis si Anastacio Sandig, nasa hustong gulang.
Sa imbestigasyon nina PO3 Julius Mabasa, PO2 Jose Romeo Germinal II, dakong 12:45 am, nag-iinoman ang mga suspek sa Block 48 Plaza nang dumating ang biktima upang bumili ng sigarilyo.
Sa puntong ito, nagkaroon ng kantiyawan sina Barnido at Suarez na nagresulta sa mainitang pagtatalo hanggang sa pagtulungang pagsasaksakin ng mga suspek ang biktima.
( ROMMEL SALES )
