Pulis na rape suspect sinibak

INIUTOS ni Northern Police District (NPD) director, Sr. Supt. Roberto Fajardo ang pagsibak sa tungkulin sa isang bagitong pulis na nanghalay sa isang babae sa Caloocan City noong Agosto 5, 2016.

Bukod sa pagsibak sa tungkulin, inatasan din ni Fajardo si Sr. Supt. Johnson Almazan, hepe ng Caloocan City, na bawiin ang service pistol at police badge ng pulis na si PO1 Emmanuel Carpio, nakatalaga sa Sub-Station 2.

“I am upset and dismayed upon hearing the incident, this is an isolated case and as District Director I assure the CAMANAVA (Caloocan-Malabaon-Navotas-Valenzuela) community that this incident will not be tolerated,” ani Fajardo.

Base sa nakalap na impormasyon mula sa Women’s and Children’s Protection Desk (WCPD) ng Caloocan City Police, naganap ang panghahalay sa loob ng bahay ng pulis.

Ayon sa ulat ng pulisya, inimbitahan ng suspek na si Carpio ang 22-anyos biktima na mag-inoman kasama ang iba pa nilang mga kaibigan.

Ngunit nang makaalis na ang ibang mga katagay ginahasa ng pulis ang biktima.

( ROMMEL SALES )