Manila vet official 18 taon kulong sa malversation

HINATULANG makulong nang hanggang 18 taon ng Manila Regional Trial Court (Branch 22) si Vilma Ibay ng Veterinary Inspection Board, makaraang mabigong madala sa kaban ang malaking halaga ng kanyang koleksiyon.

Ayon sa korte, kulang ng P172,570.00 ang naisumite niyang slaughter fee collections mula sa Blumentritt Public Market noong 2000 hanggang 2001.

Batay sa pagsusuri ng Commission on Audit (COA), lumalabas na P929,916.70 ang koleksiyon ng tanggapan ni Ibay, ngunit P757,346.70 lamang ang nai-remit.

Bukod sa pagkakakulong, pinagmumulta rin ang dating opisyal ng halagang P172,570.00, kaakibat ang perpetual disqualification sa lahat ng pampublikong pwesto.