Premiere showing ng Ako si Kindness matagumpay

MATABIL
ni John Fontanilla

MATAGUMPAY ang naganap na premiere showing ng advocacy film at TV series na Ako si Kindness na ginanap last July 17, sa QC XPERIENCE, Quezon City Memorial Circle.

Sobrang saya ng lead actress nito na si Marianne Bermundo dahil napanood na niya ang kauna-unahang pelikula.

Ayon nga kay Marianne, “It feel so amazing, I feel so blessed na ito pong movie na pinaghirapan namin finally ay napanood ko na.

“I’m super excited din po na mapanood sa big screen and hopefully people will watch it, dahil marami pong lessons silang makukuha sa movie.

“‘Yung lessons sa movie is by being kind, by showing others respect po.

“And that was the film is all about, it is an advocacy film and it’s role is to spread kindness to everyone.”

Punompuno ang QC Xperience sa dami ng estudyante, teacher, at PWD na nanood ng movie.

Dumalo at nanood ng pelikula ang ilan sa kasama sa cast na sina Miles Poblete, Cye Soriano, Kween Buraot, Jenny Lin Ngai, Wiliam Thio at ang mga baguhang kasama sa cast na sina Christopher Encarnacion, Jhonrey, Siegfreid, Carl Ibanez, Frank Arcalas, Charles Vinsanity, at Matthew Joaquin Chen.

Ang pelikula ay mula sa mahusay na direksiyon ni Crisaldo Pablo.