HATAW! D'yaryo ng Bayan hatawtabloid.com
MATABIL
ni John Fontanilla
HINDI man nanalo ng acting awards, tatlong tropeo sa katatapos na Puregold Cinepanalo Film Festival Awards Night 2025 ang naiuwi ng feel good movie na Co-Love na pinagbibidahan nina Jameson Blake, KD Estrada, Alexa Ilacad, at Kira Baringer sa direksiyon ni Jill Urdaneta.
Napanalunan ng Co Love ang Best Editing—Vanessa Ubas De Leon, Audience Choice Award, at Pinakapanalong Awitin.
Post ni direk Jill sa Facebook pagkatapos manalo, “THANK YOU UNIVERSE! These are not just any trophies — these are PUREGOLD trophies.!!! Last na talaga yun promise!
“CO LOVE won Audience Choice Award, Pinakapanalong Awitin, & Best Editor.
“Sobrang saya sa puso na yung pelikulang ginawa namin mula sa hirap, luha, at puyat ay tinanggap at minahal ninyo.
“Para ‘to sa lahat ng takot magkamali, sa lahat ng bumangon kahit ilang beses nang nadapa, at sa lahat ng naniniwala na may bagong simula palagi.
“Maraming salamat sa suporta! Tuloy lang tayo. Mahal ko kayo. Puregold Cinepanalo Film Festival 2025 salamat sa experience! (bukas na po yung taggings para wala po ako makalimutan coz IM SUPER HIGH! ).”
Kasamang dumalo ni direk Jill sa awards night ang cast ng Co Love na sina Jameson, Alexa, KD, Joyce Pilarsky, Jayson Tan, Ey- Arr Estan̈a II, Vanessa,(screenwriter), at Cecille Bravo.
