Mga pelikula sa Puregold CinePanalo 2025 karapat-dapat panoorin

MATABIL
ni John Fontanilla

DALAWANG araw naming kinarir ang mga pelikulang entry sa 2025 Puregold Cine Panalo Film Festival at ilang pelikula rin ang napanood namin tulad ng Olsen’s Day, Fleeting, Co- Love, Journeyman, Sepaktakraw at ilang students short films.

At mula sa mga nasabing pelikula ay nagandahan kami sa istorya at pagkakagawa tulad ng Olsen’s Day. Napakahusay dito nina Khalil Ramos at Romnick Sarmenta. Maganda at feel good ang Fleeting, mahusay sina RK Bagatsing at Janella Salvador. Okey naman ang Journeyman nina JC Santos at Jasmine Curtis-Smith, at sa Co-Love naman ay medyo nabitin kami sa dami ng nangyayari. Mas maganda sana if ginawa na lang itong BL bongga pa, pero mahusay dito si Jameson Blake.

Lastly, ang Sepaktakraw na sad to say ay ‘di namin nagustuhan, pero mahusay sa pelikula si Ruby Ruiz at ang batang gumanap ng Ayong.

Hindi pa namin napapanpood ang Tigkiliwi na ayon sa mga nakapanood na ay maganda at mahusay sina Ruby at Gabby Padilla.