Celebrity businesswoman Cecille Bravo  producer at umarte sa Collab

MATABIL
ni John Fontanilla

MULA sa pagiging celebrity businesswoman at philanthropist ay pinasok na rin ni Cecille Bravo ang pagpo-produce at pag-arte sa pelikula via Collab na pinagbibidahan nina Jameson Blake, Kira Balinger, Alexa Ilacad, at KD Estrada na idinirehe ni Jill Urdaneta.

Hindi nga nagpatalbog sa aktingan kina Jameson si Tita Cecille na may cameo role bilang vlogger na tita ng aktor.

Sa kauna-unahang pagsabak sa pag-arte ay puro thumbs up ang nakuha ni Tita Cecille mula sa mga press na nakapanoood ng pelikula. Na ibig sabihin, pasado at nagustuhan nila ang akting ni Tita Cecille.

Nang malaman ito ni Tita Cecille ay nagpasalamat ito sa mga press at mga taong nagustuhan ang kanyang acting sa movie. If ever nga na may mag-aalok sa kanya ulit sa pelikula o teleserye ay wala namang problema basta sa-swak sa kanyang schedule lalo’t busy siya sa kanilang negosyo (Intele Builders and Develooment Corporation).

Ang Collab ay isa sa mga pelikulang entry sa Puregod Cine Panalo Film Festival 2025 na mula March 14 to 25 mapapanood sa Cinema ng Gateway 2.