Mag-ingat sa mga bagay na hindi natin dapat katuwaan

HATAWAN
ni Ed de Leon

NOONG press conference ng Espantaho, kabilang sa kanilang give aways ang isang miniature na Espantaho na ang pagkakagawa ay parang iyong Labubu doll na usong-uso ngayon. Siyempre marami ang natuwa. Hindi ba’t napakamahal niyang labubu na iyan.

Pero naalala namin ang pangaral ng isang evangelist tungkol sa Labubu, maaaring hindi raw tayo aware na dahil inilalagay natin ang mga monster na iyon na walang dudang evil characters, baka isang araw ay mabalikan tayo ng mga evil being. Bigla naming naisip iyong Espantaho. Hindi ba sinasabi sa pelikula nila na pinupuntahan na sila at binubulungan ng Espantaho. Ang ginawa namin  maingat naming ibinalik ang manika sa lalagyan niyon, at sa loob ay nilagyan namin ng medalya ni St. Benedict na panlaban sa diablo. At itinago namin sa lugar na hindi na magagalaw.

Minsan kailangan tayong mag-ingat. Hindi tayo aware pero may mga bagay talagang hindi natin dapat katuwaan.