Friday , April 4 2025
Lea Salonga Dolphy

Lea iginiit, Mang Dolphy unahing National Artist bago siya

HATAWAN
ni Ed de Leon

DIRETSONG sinabi ni Lea Salonga na bago raw siya maging National Artist dapat ay si Mang Dolphy muna. Dapat daw kilalanin ang naging kontribusyon niyon sa industriya ng pelikulang Pilipino, at parang sinasabi pang kung ikukompara kay Mang Dolphy, walang wala pa ang  nagawa niya.

Sinabi pa ni Lea na maging ang mga comedy na ginawa niya bilang bakla, ang Facifica Falayfay at Fefita Fofonggay ay nakatulong para mas kilalanin ang gay community. Pero sa mga naunang tsismis, sinilat ng mga bading sa nomination group si Mang Dolphy ng dalawang ulit dahil hindi nila nagustuhan, at sinasabi nilang inilagay ng komedyante ang mga bading sa nakatatawang sitwasyon sa dalawang pelikulang iyon. Sinasabi nilang sa pelikula, hindi dapat na ma-discriminate ang mga bading.

Pero hindi maikakaila iyan dahil sinasabi nga na kahit si Vilma Sntos, dalawang ulit na rin nilang sinilat sa nomination dahil sa personal bias ng ilan. Pinilit din nilang maideklarang National Artist si Nora Aunor sa kabila ng katotohanang dalawang ulit na iyong  na-reject ng dalawang presidente.

Kung sa bagay, kahit naman saan hindi maikakailang may nangyayaring umiibabaw ang personal na bias, bagama’t hindi nga sana dapat

Pero kung si Vilma naman ang pag-uusapn hindi siya particular sa titles. Mas gusto niyang nasisiyahan ang fans sa ginagawa niya at kumikita ang kanyang mga pelikula. National artist ka nga pero wala namang kumukuha sa iyo dahil hindi kumikita ang mga pelikula mo, ano nga naman ang silbi niyon?

Para kay Ate Vi on the running pa rin naman siya bilang isang aktres. May balak pa siyang magdirehe ng pelikula at mag-produce rin.

Isa pa hindi maikakailang si Ate Vi ang nangunguna ngayon sa mga independent survey na ginagawa sa Batangas para maging gobernador ulit. Kung tatanggapin niya ang challenge na magbalik sa kapitolyo ng Batangas, ibang usapan na naman iyon.

About Ed de Leon

Check Also

Laziz Rustamov Amy Austria Fake Love Tadhana

Int’l model na si Laziz Rustamov napa-inlab si Amy

NAPAKA-SUWERTE naman nitong international model at dating PBB Season 10 Housemate, si Laziz Rustamov dahil nakatrabaho at nakapareha niya …

Willard Cheng

Willard Cheng sasabak sa Agenda ng Bilyonaryo News Channel 

SHOWBIZ KONEKni Maricris Valdez MAKAKASAMA na nina Korina Sanchez-Roxas at Pinky Webb ang batikang mamamahayag na si Willard Cheng sa paghahatid …

Chavit Singson Beyond the Call of Duty

JC pinalitan ni Martin; Manong Chavit kompiyansa sa Beyond the Call of Duty  

SHOWBIZ KONEKni Maricris Valdez PINALITAN na ni Martin del Rosario si JC de Vera na isa sa magbibida sana …

Kiko Estrada Lumuhod Ka Sa Lupa

Kiko Estrada isinalba ng Lumuhod Ka Sa Lupa

SHOWBIZ KONEKni Maricris Valdez SOBRA-SOBRA ang papasalamat ni Kiko Estrada na dumating ang proyektong Lumuhod Ka Sa Lupa na …

MNL City Run Presents Elorde The Flash Run 2025 – Run Like A Champ FEAT

MNL City Run Presents: Elorde The Flash Run 2025 – Run Like A Champ

Unleash Your Inner Champion, Run for a Cause! Get ready to lace up, push your …