HATAW! D'yaryo ng Bayan hatawtabloid.com
HATAWAN
ni Ed de Leon
NAGKITA ang mag-asawang John Estrada at Priscilla Meirelles sa Singpore na kapwa nila sinaksihan ang ginanap na Formula One Grand Prix sa nasabing bansa. Pero hindi sila magkasama. Paulit-ulit na sinabi ni Priscilla na kaya siya naroroon ay dahil sa isang sponsor na kanyang ine-endorse.
Bagama’t nakunan sila ng picture na magkasama sa picture, kasama rin nila roon ang iba pang mga celebrity guest at ni hindi sila magkatabi ng upuan. Hindi rin sinagot ni Priscilla ang tanong ng isang netizen kung nag-reconcile na ba sila ni John.
Si John naman ay umamin na hindi pa sila nagkaka-ayos ng kanyang asawa at sinabi pang ang kanilang paghihiwalay ay desisyon nila pareho. Sinasabing isang third party daw ang dahilan, pero hindi pa naman kompirmado iyon.
Umuwi lamang si Priscilla sa Brazil at nang magbalik ay nagkalabuan na nga sila ni John. Kaya naman nagbalik dito si Priscilla ay dahil may career siya sa Pilipinas.
Maraming umaasa na magkakabalikan pa nga ang dalawa. Ilang taon din naman silang nagsama, at may anak na rin naman sila, si Anechka. Wala namang comment si Janice de Belen na naunang naging asawa ni John at kung kanino siya mas maraming anak, ukol sa paghihiwalay ng dalawa.
May humuhula namang malabo na nga raw ang balikan ng mag-asawa dahil noon pa umano may problema ang dalawa. Ayaw lang ni Priscilla na lumala pa ang sitwasyon. Pero siguro nga hindi na rin siya nakatiis kaya nakipaghiwalay na rin. Kung totoo ngang ganyan ang sitwasyon, mukhang mahirap nang silang dalawa ay magkasundo pa.
