HATAW! D'yaryo ng Bayan hatawtabloid.com
MATABIL
ni John Fontanilla
MASAYANG-MASAYA ang lead actors ng pelikulang Maple Leaf Dreams na sina LA Santos at Kira Baringer sa magandang feedback ng mga taong nanood ng kanilang pelikula na ang premiere night ay ginanap sa Gateway 2 Cineplex last September 20.
Ang Maple Leaf Dreams ay mula sa mahusay na direksiyon ni Benedict Mique, at sa panulat ni Hannah Cruz.
Maganda ang pagkakagawa ng pelikula ni Direk Benedict, mahusay sina LA at Kira na gumanap sa role nina Macky at Molly, ang magkasintahang pumunta ng Canada para sa pinapangarap na magandang buhay, pero hirap lang ang pinagdaanan sa nasabing bansa.
Kakaibang Kira ang mapapanood dito na mas humusay at lumalim ang pag-arte, samatalang ‘di naman matatawaran ang husay dito ng ilang ulit ng nanalong Best Supporting Actor na si LA na talaga namang madadala ka sa kanyang mga eksena.
Kasama nina Kira at LA sa nasabing pelikula sina Ricky Davao, Hannah Vito, Kanishia Santos, Bea Rose Santiago, Joey Marquez, Snooky Serna, Jef Gaitan, Benito Mique, Malou Crisologo, at Jong Cuenco.
Dumalo at sumuporta sa pelikula nina LA at Kira sina Jameson Blake, Bailey May, Seth Fedelin, Anji Salvacion, Jana Agoncillo, Krystal Mejes, Miguel Vergara, Krystal Brimner. Gillian Vicencio, Direk Easy Ferrer, Kim Molina, at Jerald Napoles.
Ang Maple Leaf Dreams ay hatid ng 7K Entertainment, Lonewolf Films, at ABS-CBN’s Star Magic at mapapanood sa mga sinehan nationwide simula September 25 at sa Canada simula September 27.
