Jhassy Busran engrande ang pagdiriwang ng 18th birthday

MATABIL
ni John Fontanilla

ENGRANDE at very memorable ang pagdiriwang ng 18th birthday ni Jhassy Busran na ginanap kamakailan sa Stalla Suites Events Place, Quezon City.

Sa mensahe ng dalaga,  “Aminado akong hindi ako showy sa mga appreciation ko sa mga tao, kaya para sa akin, bihira ang mga ganitong moment. 

“Gusto ko lang na ma-witness ninyo kung gaano ko na-appreciate ang mama ko sa walang sawang suporta na ibinibigay niya. Ang buong pamilya ko, kasama ang papa kong si Jamil, kuya Jhastine, lolo at lola, tito at tita, mga pinsan ay malaking bahagi ng buhay ko. 

“Pero iba ang effort ni mama. Kaya’t hindi ko lang ito celebration, kundi celebration din ito ni mama sa pagiging matatag at very supportive na ina.

“I chose to hold a birthday party rather than travel abroad, because this is a once-in-a-lifetime celebration. Every teenager dreams of celebrating their 18th birthday with their friends and family. I wanted to make this moment special with 18 roses, 18 gifts, 18 bills, and 18 wishers. What matters to me are these moments with the people who have been a part of my journey.

“Sa kabila ng pagiging abala ko sa showbiz, ipinapangako ko kay daddy at kay lola na hindi ko pababayaan at tatapusin ko ang pag-aaral ko. Gagawin ko ang lahat para maabot ang mga pangarap ko, hindi lang para sa akin, kundi para sa aking pamilya.”

Ilan sa nakita naming dumalo sina Direk Gabby Ramos, Paolo Bertola, Mario Alaman, Beaver Magtalas,Diego Llorico, Bamboo Bobadilla, Keeno Alonzo, Heindrick Sitjar, Cassy Kim, Mommy Josie Paynor, Mommy Filipinas Magtalas at ilang entertainment press.