HATAW! D'yaryo ng Bayan hatawtabloid.com
HATAWAN
ni Ed de Leon
MANINIWALA ba kayong iyong komedyanteng si Boobsie Wonderland ay isang dating sexy singer? Ewan kung maniniwala kayo sa kuwentong iyan pero kung siya man ay isang sexy singer noong araw, hindi siya nagtagumpay sa ganoong linya ng career kaya ok lang na tumaba na siya at naging isang komedyante. Sumikat lang maman siya noong si Boobsie Wonderland na siya eh.
Ibig sabihin, si Boobsie ay sumailalim sa repackaging ng kanyang career at ng kanyang sarili na rin. Sumugal siya sa isang bagong image at nagtagumpay naman. Pero napakalaking risk ang kanyang ginawa. Paano kung hindi rin siya kinagat bilang komedyante?
The fact na sumikat na siya bilang isang komedyante, dapat suportahan na lang siya para maipagpatuloy pa niya ang kanyang career. Hindi naman makatutulong kung uungkatin pang siya ay isang dating sexy singer na hindi sumikat kaya nagkomedyante.
