Joaquin susundan ang yapak ng amang si Isko sa politika 

I-FLEX
ni Jun Nardo

KUMAKALAT na sa social media ang isang music video ng Sparkle artist na si Joaquin Domagoso na parang nag-iikot sa District 1 ng Maynila.

Anak ni Isko Moreno si Joaquin at mina-manage ng kaibigang si Daddie Wowie Roxas.

Maganda ang naging simula ng showbiz career ni Joaquin noong pandemic sa First Yaya at First Lady.

But recently, cameo role ang partisipasyon niya sa Lilet Matias: Attorney at Law.

Eh kung papasukin ang politika, hindi siya masisisi dahil naging Manila Mayor ang father niyang si Isko na matunog na ang pagbabalik sa Manila na maraming magandang ginawa.

Next month na ang filing ng candidacy sa 2025 midterm elections, kaya malalaman natin ang kompirmasyon sa mga balitang ito tungkol sa mag-amang sina Isko at Joaquin!