Marian at Zia’s ‘may daga pose’ klik sa netizens

I-FLEX
ni Jun Nardo

UMABOT na sa Australia ang pinauso ng mag-inang Marian Rivera at Zia Dantes na “may daga pose!”na nagustuhan ng netizens nang  una nila itong inilabas sa kanyang social media accounts.

Sa socmed account ni Dingdong Dantes,, sinabi niya na isang taon pa lang si Zia nang gawin ang pose na ‘yun. Nagawa na nila sa iba’t ibang locations sa abrod.

Agad kinuha ni Zia ang phone sa bag niya at idinirehe ang father niya  at isinagawa ang nasabing pose kahit wala naman talang daga sa lugar.

Ikinatuwa ni Dong, alam na ni Zia na idokumento ang moment na ‘yon kasama ang ina. At gusto raw niyang ipagpatuloy ito ng kanyan nanay hanggang hindi na nila kaya pero susubukan pa rin.

Nagpasalamat naman si Yan sa asawa dahil muling-capture ni Dong ang priceless moment nila ni Zia.

Bakasyon muna sa Australia ang pamilya Dantes hanggang hindi pa loaded sa trabaho.