Gay model actor umamin mga nakarelasyong male star

ni Ed de Leon

TSISMIS muna tayo? Umamin sa isang interview ang gay model at actor na si Zuher Bautista na noong araw ay may mga nakarelasyon siyang ibang male stars, pero sinabi niya na ang mga iyon ay bading din.

Ang pinag-iinitan sa tila blind item na iyon ay isang male star na marami namang nababalitang “sex adventures” kasama ang iba-ibang tao, kabilang pa ang isang sinasabing inutangan daw niya ng P10-M.

Pero ang tinutukoy nilang not really young male star ay naninindigang hindi totoo iyon at hindi siya pumatol sa mga bading. Nag-deny siya sa relasyon nila ni Zuher at maging ang sinasabing dinaanan niyang photographer noong siya ay hindi pa sikat, at medyo kumakalam pa ang tiyan.

Hindi rin naman kasi niya inaamin ang sinasabi ng mga kaklase niya sa high school na noon ay nagsusuot ng damit ng babae.

Kung ayaw ba niyang mag-out eh bakit ninyo siya pipilitin. Iyon nga lang mahirap na pigilin ang mga tsismis lalo na’t hanggang ngayon ay suma-sideline pa rin naman siya, big time na nga lang. Hindi na gaya noong panahong siya ang “reyna ng Malate.”