HATAW! D'yaryo ng Bayan hatawtabloid.com
SUGATAN ang 17 katao matapos tumaob ang isang pampasaherong jeep habang binabagtas ang pababang bahagi ng kalsada sa Sitio Balangabang, Brgy. Dangoy, bayan ng Lubuangan, lalawigan ng Kalinga nitong Sabado ng umaga, 22 Hunyo.
Ayon kay P/Capt. Ruff Manganip, tagapagsalita ng Kalinga PPO, naganap ang insidente dakong 5:20 am kamakalawa.
Aniya, patungong lungsod ng Tabuk ang jeep mula sa Brgy. Uma, Lubuagan, lulan ang 17 katao kabilang ang tsuper nito.
Habang binabagtas ang pababang bahagi ng kalsada, nasira ang preno ng sasakyan kaya nawalan ng kontrol ang tsuper at bumaligtad ang minamanehong jeep.
Dinala ng mga nagrespondeng awtoridad ang mga biktima sa pagamutan para lapatan ng lunas. Idineklarang nasa ligtas na kalagayan ang mga biktima.
