Sean De Guzman saludo kay Jake Cuenca 

MATABIL
ni John Fontanilla

HINDI itinanggi ni Sean de Guzman na looking forward siya sa Parade of Stars sa Metro Manila Film Festival 2022 dahil first time niyang magkaroon ng entry, ang My Father, Myself.

Kasama ni Sean sa pelikula sina Jake Cuenca at Dimples Romana.

Ani Sean saludo siya kina Jake at Dimples na first time niyang nakatrabaho, dahil napaka-professional ng mga ito  bukod pa sa napakahuhusay umarte at makisama.

Very thankful naman ito kay direk Joel na rito siya nagsimula sa pelikulang Lockdown na nasundan ng Anak ng Macho Dancer. Si direk Joeldin ang nakapagbigay sa kanya ng dalawang international awards.

Bukod kina Jake at Dimples, kasama rin sa My Father, Myself sina Tiffany Grey, Allan Paule, Jim Pebanco, Ac Carillo, Mon Mendoza, Shawn Nino Gabriel, Erryn Garcia, KC Contreras, Rayah Minioza, at Joseph San Jose.

Produced ng Mentorque Entertainment at 3:16 Media Network kasama sina Erwin Ortanez, Jumerlito Corpus and Nicanor Abad. Mapapanood ang My Father, Myself sa Dec. 25, bilang entry sa 2022 Metro Manila Film Festival. Ito ay isinulat ni Quinn Carrillo.