John Arcenas pasok sa EB’s  Bida Next

MATABIL
ni John Fontanilla

MASAYANG-MASAYA ang singer/ actor at alaga ng T.E.A.M ng kaibigang Tyronne Escalante na si John Arcenas dahil pumasok ito sa talent search ng Eat Bulaga, ang Bida Next.

Out of 78 ay masuwete ngang nakapasok sa 17 finalist ang guwapo at talented na si John na umaasang makapapasok at isa sa mapipiling bagong miyembro ng Dabarkads at magiging regular sa number 1 noontime show sa bansa, ang Eat Bulaga.

Hindi nga maipaliwanag at ‘di makapaniwala si John na makapapasok siya sa Top 17, post nga nito sa kanyang FB, “UNREAL. Sobrang di ko inexpect ‘to! This is all for You, Lord!

“Sa pamilya ko, sa management ko, sa John Arcenastics, sa lahat ng sumuporta sa’kin sa Bida Next Journey ko, at sa EAT BULAGA FAMILY na nagtiwala sa talento ko, maraming maraming salamat po! Mas lalo ko pang gagalingan pramis! Laban natin ‘to!”