ABS-CBN nakakuha ng magandang deal sa AMBS

HATAWAN
ni Ed de Leon

NAPIGIL man ang sinasabing pagsosyo ng ABS-CBN sa TV5, magandang deal naman pala ang nakuha nila sa bagong AMBS. Hindi pala nila ipinagbili ang mga gagawin nilang serye. Hindi rin iyon blocktime arrangement. Bale iyon pala ay isang partnership deal. Sila ang gagawa ng produksiyon lalo nga’t kanila ang mga artista, ilalabas naman iyon ng AMBS sa kanilang free tv channel at share sila sa kita. Malaki ang kaibahan niyan sa blocktime deal. Sa blocktime, binabayaran ng ABS-CBN ang total commercial minutes ng estasyon batay sa oras.

Isa pa, lumalabas na ibinenta nila ang analog transmitter at antenna sa AMBS, kaya ang mga show nila roon ay mapapanood sa lakas na 150kw, pantay na naman sila ng GMA sa NCR. Hindi gaya ng blocktime na mas mababa ang power ng TV5 at ZoeTV.

Matatalo lang sila ng GMA dahil sa mga provincial station na wala pa ang AMBS.