HATAW! D'yaryo ng Bayan hatawtabloid.com
HATAWAN
ni Ed de Leon
PALAGAY namin, talagang wise decision na pumirmang muli si Gabby Concepcion ng kontrata sa GMA 7. Kasi kung iisipin mo naman, simula nang magbalik siya matapos ang 13 taong pananatili sa US, ilan na ang nakialam sa kanyang career na halos wala namang nangyari. Nag-click siya noong lumipat siya sa GMA, eh bakit ka ba naman aalis pa kung sa tingin mo nandoon ang suwerte mo. Aba sunod-sunod na hits siya eh, at kahit na nang itambal sa kanya si Sanya Lopez, na starlet pa lang noong una, naging hit sila.
Tama namang kung saan mo nakita ang suwerte, roon ka na.
ISA pa, kung sakali ba naman anong matibay-tibay na kompanya ang kanyang mapupuntahan? Ang malaki ngayon mukhang lalaban ay iyang AMBS, pero wala pa ngang pruweba. Iyon namang ABS-CBN na dating kalaban ng GMA, walang prangkisa at mukhang wala pang pag-asang makakuha ng bagong prangkisa sa ngayon. Iyong TV5, nagpa-blocktime ng kanilang primetime sa ABS-CBN. Kaya wala ka nang mapupuntahan talaga kundi GMA.
Kailangan lang naman talaga ay tamang diskarte sa carreer dahil kung hindi at magpapadala ka na lang sa kung ano-anong offer, baka mapahamak ka pa.
Maraming artistang ganyan. Naniwala sa sinasabi ng mga mga chuchuwa na, “kung nandoon ka tiyak mas mataas ang ratings mo, o mas sisikat ka.” Kung pumalpak, puwede ba ninyong sisihin ang mga chuchuwa, ‘di hindi. Sisisihin mo ang sarili mo.
Wise na talaga si Gabby, at least marunong na siyang dumiskarte sa sarili niyang career.
