HATAW! D'yaryo ng Bayan hatawtabloid.com
HATAWAN
ni Ed de Leon
BAGAMAT may isa na namang congressman na nag-file ng bill para bigyan ng prangkisa ang ABS-CBN, bukod sa panukala nga ng Makabayan bloc, tila mas tama ang diskarte ng ABS-CBN na huwag munang mag-isip ng prangkisa sa ngayon at pagbutihin na lamang ang kanilang pagiging content producer. Nakita naman ninyo maging ang pakikipagsosyo nila sa TV5 hinahabol pa ng NTC.
Bagama’t si Presidente BBM ay nagsabi na sa kabila ng paninira na dinanas ng kanyang pamilya mula sa ABS-CBN, wala siyang objections kung iyon man ay bigyan ng panibagong prangkisa, ang laban nila ay nasa kongreso naman, at kung ang sinasabi nila ay ipinasara sila talaga ng dating Presidente Rodrigo Duterte, mayorya pa rin ang mga kabig niyon sa kongreso. At sa 2028, nakaamba na naman sa presidency ang isa pang Duterte.
Tama na ngang maging content producer muna sila sa ngayon. At least may cable na ngayon, may internet pa. Nakakapag-block time pa sila sa ibang estasyon. Hindi gaya noong una silang masara na burado talaga sila.
