HATAW! D'yaryo ng Bayan hatawtabloid.com
HATAWAN
ni Ed de Leon
NAKAGUGULAT naman ang statement na iyon, pagkatapos ng lahat ng tsismis at paduda, wala naman palang offer ang GMA 7 kay Sarah Geronimo. Ngayon siguro inaamin na nila iyan dahil nang magbalik naman si Sarah sa ABS-CBN, lumobo lang ang budget ng kanilang show dahil sa laki ng talent fee niyon, medyo umakyat din ang ratings nila pero hindi pa rin umabot sa All Out Sundays ang rating niyon. Kasi nga kahit na sabihin mong combined ratings na iyon, mahina naman ang power ng ginagamit nilang free tv, at hindi nangangahulugan na porke dalawang channel iyon dodoble ang manonood. Mahahati lang sa dalawa ang audience ng kanilang show. Ang naging advantage nila noong makuha rin nila ang TV 5 ay ang katotohanang mas marami iyong provincial stations kaysa Zoe TV na iisa lang ang estasyon, sa Palawan pa.
Paano mo nga ba tatapatan ang GMA na 150kw ang power at may halos 50 provincial stations at affiliates pa? Noong araw na ABS-CBN sila, na ganoon kalakas ang power ng free tv nila, at ganoon din karami ang provincial relays, tinatalo nila ang GMA, pero hanggang hindi nila naibabalik iyon, na halos imposible dahil lilipat na nga ang ating broadcasts sa digital, mahihirapan sila.
Ang logic, bakit mo nga naman kukunin si Sarah na napakalaki ng talent fee at baka pagsimulan pa ng discontent ng mga dati nilang stars, ganoong wala rin namang maibabatak na matindi iyon magbalik man sa kalaban na off the air naman ang transmitter?
Mukhang tama ang katuwiran nila. Bakit ka nga ba maghahabol pa ng malaking stars yeh kung malakas naman ang transmission power mo at hindi matatapatan ng kalaban. Baka sakali na ganyan din kalakas ang power ng AMBS, mag-blocktime na rin doon ang ABS-CBN bukod pa sa TV 5 at Zoe Tv, baka sakali pa. Kaso wala ring provincial stations pa ang AMBS. Iyon ngang main channel naurong pa ang pagbubukas eh.
