HATAW! D'yaryo ng Bayan hatawtabloid.com
I-FLEX
ni Jun Nardo
PERFECT timing ang world premiere ng bagong Kapuso series na Bolera ni Kylie Padilla. Kasi nga, naiproklama na ang tatay ni Kylie bilang number one elected senador ng bansa, huh.
Eh ang Bolera ang comeback series ni Kylie sa primetime matapos ang hiwalayan sa asawang si Aljur Abrenica. Kapalit ito ng False Positive nina Glaiza de Castro na magtatapos sa May 27. Kapareha ni Kylie sina Rayver Cruz at Jak Roberto.
Sa GMA afternoon prime naman, matatapos na rin ang Artikulo 247 nina Rhian Ramos at Kris Bernal. Kapalit nito ang The Fake Life na tampok sina Beauty Gonzalez, Sid Lucero at nagbabalik Kapuso na si Ariel Rivera.
Magwawakas na rin ang Mano Po Legacy; Her Big Boss na ang Love You Stranger nina Gabbi Garcia at Khalil Ramos ang kapalit kaya sa GMA ito mapapanood mula sa GMA New and Public Affairs.
Malapit na ang second quarter ng 2022 kaya maraming bagong pasabog ang GMA Network.
