Ian pumasok na sa kuwadra ni Ogie 

I-FLEX
ni Jun Nardo

IPINAUBAYA na ni Ian Veneracion ang kanyang career sa A Team Management ni Ogie Alcasid.

Si Ogie ang nagsugal kay Ian nang diskubrehin ang talent sa pagkanta. Nagkasunod sunod na pagsabak ni Ian sa concert scene kasama si Ogie na sinimulan sa KilaboTitos series nila.

Eh bilang baguhan sa concert scene, ano naman ang payo sa kanya ni Ogie as manager?

“Huwag ko lang siyang talunin sa golf! Ha! Ha! Ha! No, wala naman masyado. We talk kung ano ang puwede kong mai-contribute o gawin for my craft.

“Eh kahit may single na ako at nagawang music video ng kanta kong ‘Ninuno,’ I think, marami pa kaming magagawa ni Ogie whos’s an expert sa music at iba pa,” sey ni Ian sa welcome presscon na ibingay sa kanya ng A Team.