Friday , March 29 2024

47 puntos ni Ja Morant nag-angat sa Grizzlies sa panalo sa Game 2

TUMIKADA si Ja Morant ng 47 puntos para iangat ang Memphis Grizzlies sa panalo kontra sa Golden State Warriors at  itabla ang serye sa 1-1 sa pagpapatuloy ng Western Conference Semifinals. 

Hataw ang panimula ng Grizzlies sa 1st quarter, kumamada agad ng puntos sina Jaren Jackson, Jr.,  at Ja Morant para sa 8-0.

Sa simula  ng laban ay nakaramdam ang Warriors ng matinding pisikalan.  Nagsimula iyon nang magkaroon ng pagka-kataon si Gary Payton II para sa easy layup nang kaldagin siya sa ulo ni Dillon Brooks.

“It was a scary play, a dangerous play,”  angal ni  coach  Steve Kerr,

Na-eject si Brooks  pagkatapos bigyan ng Flagrant 2 foul ng reperi.  Pero  ang masaklap, na-injured ang kanang siko ni Payton sa komosyon na iyon.  Hindi na siya nakabalik sa laro.

Ang pagkawala ni GPII, isang malaking kawalan sa GSW dahil siya ang pangunahing dumedepensa kay Morant. Ito ang dahilan kung bakit namiyesta sa puntos ang star player ng  Grizzlies.

Sumunod na nawala sa court para sa Warriors ay si Draymond Green nang masiko sa mukha  na nangailangan ng stiches na nagpagarahe sa kanya hanggang 2nd quarter.

Nagwagi ang Grizzlies sa iskor na 106-101 para itabla ang serye sa 1-1.   

Kumamada si Morant ng 47 puntos sa 16-for-31 shooting, may 8 rebounds at 8 assists.

Pinangunahan ni Steph Curry ang opensa ng Dubs na may 27 puntos, 9 rebounds, at 8 assists.  Samantala, pumakla ang laro nina Thompson at Andrew Wiggins na kumamada lang ng 11-for-35  at 3-for-19 mula sa tres. 

Ang Game 3 sa Sabado ay ilalaro sa Chase Center.

About hataw tabloid

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …